اسلام آباد: (دنیا نیوز) دارلحکومت اسلام آباد میں پشاور زلمی کی گلوبل زلمی لیگ کا آغاز ہو گیا۔ ایم آئی سی گراونڈ پر کھیلے گئے ابتدائی دو میچز میں الریاض زلمی اور انچیون زلمی نے کامیابی حاصل کرلی۔
گلوبل زلمی لیگ کے پہلے میچ میں الریاض زلمی نے شاوژنگ زلمی کو 93رنز سے ہرادیا پہلے بیٹنگ کرتے ہوئے الریاض زلمی نے دو وکٹوں پر 229رنز بنائے ۔مظہر عباسی 61 اور شہروز 60رنز بناکر نمایاں رہے۔ جواب میں شاوژنگ زلمی 9وکٹوں پر 136رنز بناسکی شاوژنگ زلمی کی جانب سے نعیم 53رنز بناکر نمایاں رہے۔ الریاض زلمی کی جانب سے عبدالواحد نے تین وکٹیں حاصل کیں ۔
گلوبل زلمی لیگ کے دوسرے میچ میں انچیون زلمی نے گلاسگو زلمی کو 8وکٹوں سے ہرادیا ۔پہلے بیٹنگ کرتے ہوئے گلاسگو زلمی کی ٹیم 91 رنز بناکر آوٹ ہوئی ۔جواب میں انچیون زلمی نے ہدف گیارہ اعشاریہ تین اوورز میں حاصل کرلیا ۔عدنان منیر 60رنز بناکر نمایاں رہے۔ SportsFever360کے تعاون سے ایونٹ کے تمام میچز گلوبل زلمی کے فیس بک پیج سے براہ راست دکھائے جارہے ہیں۔
