لاہور: (ویب ڈیسک) قومی ٹی ٹونٹی کپ کے دوسرے سیمی فائنل میں بلوچستان نے سدرن پنجاب کے جبڑے سے فتح چھین لی، فاتح ٹیم فائنل میں ناردرن کیساتھ ٹکرائے گی۔
بلوچستان کی طرف سے 20 میچ میں ٹاس جیت کر پہلے فیلڈنگ کا فیصلہ کیا گیا، سدرن پنجاب کی طرف سے اننگز کا آغاز عمر صدیق اور شان مسعود نے کیا، دونوں اوپنرز قابل ذکر کارکردگی نہ دکھا سکے۔ عمر صدیق 6، شان مسعود 14 گیندوں پر 10 رنز کی اننگز کھیلی۔
بعد میں آنے والے سینئر پلیئرز شعیب ملک اور محمد حفیظ نے حریف باؤلنگ کو تگنی کا ناچ نچاتے ہوئے جارحانہ بیٹنگ کی اور وکٹ کے چاروں اطراف خوبصورت شارٹس کھیلے، دونوں آل راؤنڈرز نے ففٹیاں بنائیں۔
Fans at the Iqbal Stadium Faisalabad.
— Pakistan Cricket (@TheRealPCB) October 23, 2019
Are you attending #NationalT20Cup semi final at the stadium? Reply with your pictures! pic.twitter.com/13dPoQFPym
حفیظ نے 41 گیندوں پر 65 رنز بنائے، اس اننگز میں انہوں نے 9 چوکے اور ایک چھکا لگایا جبکہ شعیب ملک نے 40 گیندوں پر 64 سکور بنائے ، سٹار آل راؤنڈر نے 6 چوکے اور دو بلند و بالا چھکے لگائے۔ عامر یامین نے 12 گیندوں پر 13 رنز بنائے۔
سدرن پنجاب نے مقررہ اوورز میں 5 وکٹوں کے نقصان پر 173 رنز بنائے، علی شفیق نے دو، عاکف جاوید، یاسر شاہ اور حسین طلعت نے ایک ایک وکٹ حاصل کی۔
ہدف کے تعاقب میں بلوچستان کی طرف سے اننگز کا آغاز امام الحق اور اویس ضیاء نے کیا، 11 کے مجموعی سکور پر امام الحق 10 رنز بنا کر پویلین لوٹ گئے، محمد عرفان نے ان کی وکٹ حاصل کی، اس دوران اویس ضیاء نے جارحانہ انداز میں بیٹنگ کرتے ہوئے سکور کو آگے بڑھایا۔
For seeing his side home, Amad Butt is the Man of the Match.#BALvSP #NationalT20Cup pic.twitter.com/qCSRBHs9ml
— Pakistan Cricket (@TheRealPCB) October 23, 2019
بلوچستان کو دوسرا نقصان 22 کے مجموعی سکور پر اٹھانا پڑا جب ون ڈاؤن بیٹسمین بسم اللہ خان 22 کے مجموعی سکور پر چلتے بنے، زاہد محمود نے ان کی وکٹ حاصل کی، عمران فرحت بھی 17 گیندوں پر 20 رنز بنا کر محمد حفیظ کی گیند پر سٹیمپ آؤٹ ہو گئے۔
حارث سہیل 19 گیندوں پر 22 رنز بنائے، وہاب ریاض کی شاندار گیند پر بولڈ ہو گئے، حسین طلعت نے 29 گیندوں پر 42 رنز کی جارحانہ بیٹنگ کھیلی، تاہم فاسٹ باؤل وہاب ریاض نے ان کو بھی ٹھکانے لگا دیا۔
آخری اوورز میں بلوچستان کی ٹیم کو 18 رنز درکار تھے، ہدف کے تعاقب میں کھیلنے والی ٹیم کے آل راؤنڈر عماد بٹ نے شاندار بیٹنگ کرتے ہوئے عمید آصف کو 18 رنز جڑ دیئے، آخری اوورز میں انہوں نے 2 چوکے اور 2 چھکا لگائے، وہاب ریاض نے 2، زاہد محمود، عامر یامین، محمد عرفان سینئر، محمد حفیظ نے ایک ایک وکٹ حاصل کی۔
