سڈنی: (دنیا نیوز) قومی کرکٹ ٹیم نے ٹی 20 سیریز کے لیے سڈنی میں ڈیرے جما لیے، کھلاڑی جم کر پریکٹس کرنے لگے۔ چیف سلیکٹر اور ہیڈکوچ مصباح الحق کہتے ہیں کہ نوجوان کھلاڑیوں پر مشتمل سکواڈ میزبان کینگروز کو سرپرائز دے سکتا ہے۔
تین ٹی ٹوئنٹی میچز کی سیریز کے لیے قومی کرکٹرز آسٹریلیا کے شہر سڈنی میں اِن ایکشن ہو گئے، کپتان بابر اعظم سمیت بلے باز بیٹنگ میں مصروف نظر آئے۔ فزیکل فٹنس کے لیے خصوصی ٹریننگ کی۔
چیف سلیکٹر اور ہیڈکوچ مصباح الحق نے کہا کہ قومی ٹیم نوجوان کھلاڑیوں پر مشتمل ہے لیکن میزبان آسٹریلیا کو بھی ٹف ٹائم دے سکتے ہیں۔ انہوں نے کہا کہ آسٹریلیا جیسی مضبوط ٹیم سے کھیلنا بڑا چیلنج ہے، میرا ایمان ہے کہ جتنا بڑا چیلنج ہو اتنا ہی زیادہ سیکھنے کا موقع ملتا ہے۔
