بنگلہ دیشی آل راؤنڈر پابندی کے سبب اگلے سال آسٹریلیا میں شروع ہونے والے ٹی ٹونٹی ورلڈ کپ اور آئی پی ایل (انڈین پریمئر لیگ) نہیں کھیل سکیں گے، سابق پاکستانی کرکٹر رمیض راجہ نے شکیب الحسن کو قوانین سے ہٹ کر معاملات نمٹانے پر تنقید کا نشانہ بنایا ہے۔

رمیض راجہ کا ٹویٹر پیغام میں کہنا تھا کہ "شکیب پر پابندی تمام کھلاڑیوں کیلئے سبق ہے، اگر کوئی کرکٹ کے اصولوں کی خلاف ورزی کرتے ہوئے اس کا وقار ملحوظ خاطر نہیں رکھتا تو اس کو خمیازہ بھگتنے کیلئے تیار رہنا چاہئے، صد افسوس۔"

So Shakib Al Hasan’s ban has a lesson for all sports lovers and sportsmen: if you disregard the game and try to become bigger than the game by sidetracking the laid rules and protocols then be ready for a fantastic fall! Sad.

— Ramiz Raja (@iramizraja) October 29, 2019

واضح رہے کہ انٹرنیشنل کرکٹ کونسل نے شکیب الحسن پر انٹی کرپشن کوڈ کی تین شقوں کی خلاف ورزی کرنے پر دو سال کی پابندی عائد کی ہے، یہ بات بھی قابل ذکر ہے کہ بنگلا دیشی کرکٹر نے ان الزامات کو تسلیم کر لیا ہے۔