سڈنی: (روزنامہ دنیا) سابق آسٹریلوی اوپنر میتھیو ہیڈن نے شعیب اختر کیساتھ دوران میچ جھڑپ کا انکشاف کرتے ہوئے کہا کہ میں نے پاکستانی پیسر کو بی گریڈ ایکٹر کہہ کر غصہ دلا دیا تھا۔
میڈیا رپورٹ کے مطابق یہ 2002 کا واقعہ ہے، میتھیو نے بتایا کہ شارجہ کے دوسرے ٹیسٹ میں شعیب نے مجھ سے کہا کہ آج میں تمھیں قتل کردوں گا میں نے جواب دیا کہ مجھے بھی تمہارا چیلنج قبول ہے۔
میتھیو کے مطابق اس وقت شدید گرمی تھی، شعیب مجھے باؤلنگ کرتے ہوئے الٹی سیدھی باتیں بھی کررہے تھے جس پر میں نے بھارتی فیلڈ امپائر ایس وینکٹ راگھون سے شکایت کر دی جنہوں نے باؤلر کو سخت وارننگ بھی دی۔
