کراچی: (دنیا نیوز) شہر میں کانگو وائرس کا ایک اور کیس سامنے آیا ہے، مریض جناح ہسپتال میں زیر علاج ہے۔
جناح ہسپتال کے حکام کے مطابق 33 سال کے مریض کو بخار، مسوڑھوں اور ناک سے خون بہنے کی علامات کے ساتھ لایا گیا تھا، مریض کا پی سی آر ٹیسٹ کروایا تو وہ مثبت آیا۔
مریض کو جناح ہسپتال کے آئیسولیشن وارڈ میں منتقل کیا گیا ہے، متاثرہ شخص بھینس کالونی کا رہائشی اور ہیئر ڈریسر ہے۔
حکام محکمہ صحت کے مطابق عیدالاضحٰی کے بعد کراچی میں 2 افراد کانگو وائرس سے انتقال کر چکے ہیں۔
