لاہور: (دنیا نیوز) حارث رؤف کا کہنا ہے کہ شاہد خان آفریدی ہمارے ملک کے سپر سٹار ہیں، انہوں نے اپنی کارکردگی سے پاکستانی ٹیم کو بہت سے میچ جتوائے، اس لئے ان کو عزت دینا ضروری تھا۔
لاہور قلندرز ٹیم کے فاسٹ باؤلر حارث رؤف نے میڈیا سے گفتگو میں شاہد آفریدی کو بولڈ کرنے کے بعد ان سے معافی مانگنے کی وجہ بیان کرتے ہوئے کہا ہے کہ سب جانتے ہیں کہ وکٹ لینے کے بعد میرا انداز بہت جارحانہ ہوتا ہے لیکن جب میں نے شاہد آفریدی کو آؤٹ کیا تو میں نے ان کو عزت دینے کیلئے اپنے ہاتھ جوڑے تھے۔
ان کا کہنا تھا کہ میں نے شاہد آفریدی کو آؤٹ کرکے ان سے معافی نہیں مانگی لیکن ان کو عزت دینے کیلئے میں نے یہ طریقہ اختیار کیا۔ میرے دل میں ان کے لئے بہت ریسپیکٹ ہے۔
It was a great and unplayable yorker Haris very well bowled! Please bowl slow to me next time congratulations to Qalandars for final berth. Look forward to an exciting match tomorrow. Thank you Sultans fans for supporting us throughout the season. https://t.co/GySOxr43ov
— Shahid Afridi (@SAfridiOfficial) November 16, 2020
دوسری جانب لیجنڈ بلے باز شاہد خان آفریدی نے سماجی رابطوں کی ویب سائٹ ٹویٹر پر جاری اپنے بیان میں حارث رؤف کی تعریف کرتے ہوئے کہا ہے کہ وہ یارکر کھیلنا ناممکن تھا، اگلی بار گیند تھوڑی آہستہ کرانا۔
شاہد آفریدی نے لاہور قلندرز کی ٹیم کو فائنل میں رسائی حاصل کرنے پر مبارکباد پیش کرتے ہوئے کہا کہ وہ اس بڑے مقابلے کا بے چینی سے انتظار کر رہے ہیں۔ اس موقع پر انہوں نے ملتان سلطانز کے مداحوں کا بھرپور سپورٹ کرنے پر شکریہ بھی ادا کیا۔
LALA I M SORRY#HBLPSLV #PhirSeTayyarHain #MSvLQ pic.twitter.com/QoMJG5Lhht
— PakistanSuperLeague (@thePSLt20) November 15, 2020
