لاہور: (روزنامہ دنیا) قومی کھلاڑیوں نے بھی فلسطین پر اسرائیلی حملے کی شدید مذمت کی۔ فلسطین پر قابض اسرائیلی فوج کی جانب سے بیت المقدس پر حملے نے تمام مسلمانوں کو غم میں مبتلا کر دیا۔ قومی کھلاڑی بھی فلسطینیوں کے حق میں میدان میں آگئے۔
سوشل میڈیا پر قومی کھلاڑیوں کی جانب سے اسرائیلی حملے کی سخت الفاظ میں مذمت کی گئی۔ سابق کرکٹر عبدالرحمن لکھتے ہیں کہ فلسطینی عوام کی داد دینی پڑے گی جس طرح وہ ڈٹ کر اسرائیلی فوج کا مقابلہ کرتی ہے اس جذبہ کے ساتھ لڑتی رہی تو ایک دن سرخرو ہوگی۔
Prayers for the people of Palestine. We just have to be human to stand up for humanity. #PrayForPalestine #المسجد_الأقصى pic.twitter.com/NPCqRLmUA0
— Babar Azam (@babarazam258) May 11, 2021
قومی ٹیم کے کپتان بابر اعظم کہتے ہیں کہ ہم سب کو فلسطین کا ساتھ دینا چاہیے اور انسانیت کے ساتھ کھڑا ہونا چاہیے اور کرکٹر عابد علی نے بھی سوشل میڈیا میں فلسطینی عوام کے حق میں ٹویٹ کیا کہتے ہیں یا اللہ فلسطینی عوام پر رحم فرما اور انکو تکلیف سے نجات عطا کر۔
May Allah protect the people of Palestine#المسجد_الأقصى
— Mohammad Yousaf (@yousaf1788) May 11, 2021
سابق کرکٹر محمد یوسف نے لکھا کہ یا اللہ فلسطینی عوام کو اپنی حفاظت میں رکھ جبکہ فاسٹ باؤلر محمد عامر کی اہلیہ نے پوسٹ کی اور لکھا کہ میں فلسطینی عوام کے ساتھ ہوں۔