لاہور: (ویب ڈیسک) آسٹریلیا میں بگ بیش کھیلنے میں مصروف قومی کرکٹ ٹیم کے فاسٹ باؤلر حارث رؤف نے وکٹ لینے کے بعد انوکھے انداز میں جشن مناتے ہوئے ماسک پہن لیا۔
آسٹریلیا میں بگ بیش لیگ ٹی ٹونٹی میں حارث رؤف نے وکٹ لینے کے بعد انوکھے انداز میں جشن منایا جس کی ویڈیو میلبرن سٹار کے آفیشل اکاؤنٹ سے شیئر کی گئی ہے۔
ویڈیو میں دیکھا جاسکتا ہے حارث رؤف نے پرتھ سکارچر کے خلاف کھیلے گئے میچ میں پیٹرسن کو آؤٹ کرنے کے بعد جیب سے ماسک نکالا اور پہن لیا جبکہ اس سے قبل انہوں نے ہاتھوں کے اشارے سے سینیٹائزر سے بھی ہاتھ صاف کیے۔
We ve still got this celebration on repeat #TeamGreen @HarisRauf14 pic.twitter.com/gmDPgovNs6
— Melbourne Stars (@StarsBBL) January 11, 2022
واضح رہے کہ حارث رؤف بگ بیش لیگ میں اب تک 17 میچز کھیل چکے ہیں جس میں انہوں نے 464 رنز دے کر 28 وکٹیں حاصل کی ہیں جبکہ سب سے زیادہ ایک میچ میں حارث رؤف نے 27 دے کر 5 وکٹیں حاصل کی ہیں۔
علاوہ ازیں حارث رؤف کو 2 میچز میں بہترین باؤلنگ کرنے کی بنیاد پر مین آف دی میچ کے اعزاز سے بھی نوازا گیا ہے جبکہ انہوں نے فیلڈنگ میں اچھی کارکردگی کا مظاہرہ دکھاتے ہوئے 4 کیچز بھی پکڑے ہیں۔
یاد رہے کہ گزشتہ دنوں حارث رؤف نے میلبرن رینگیڈر کے خلاف کھیلتے ہوئے انتہائی مشکل کیچ پکڑا تھا جس پر انہوں نے خوب داد بھی سمیٹی تھی۔
حارث رؤف نے اوکونل کی گیند پر ایرون فنچ کے بلند شاٹ کو باؤنڈری لائن پر کیچ کیا تھا، انتہائی اونچا کیچ ہونے کی وجہ سے وہ اپنا توازن کھوکر باؤنڈری لائن کے دوسری طرف چلے گئے تھے۔
Rauf walks the tightrope on the boundary!!
— KFC Big Bash League (@BBL) January 3, 2022
Was there rope involved? We re taking another look... #BBL11 pic.twitter.com/D1eeTG1vo3
تاہم باؤنڈری لائن سے باہر جانے سے قبل ہی انہوں نے حاضر دماغی کا مظاہرہ کرتے ہوئے گیند کو ہوا میں اچھال دیا تھا اور توازن صحیح کرکے فوراً باؤنڈری لائن کے اندر آکر گیند کو دوبارہ پکڑ لیا تھا۔