لاہور:(ویب ڈیسک) پاکستان اور آسٹریلیا کے مایبن کھیلے گئے کراچی ٹیسٹ میچ میں اپنے بیٹے کے آپریشن کے لئے پلے کارڈ اٹھا کر اپیل کرنے والے ضرورت مند باپ کی فریاد قومی ٹیم کے سابق کپتان شاہد خان آفریدی نے سن لی ہے۔
سماجی رابطے کی ویب سائٹ ٹوئٹر پر پاکستان کرکٹ ٹیم کے سابق کپتان شاہد آفریدی نے ایک تصویر کو ری ٹوئٹ کیا۔
اس تصویر میں دیکھا جاسکتا ہے کہ ایک شخص اپنے بیٹے کے ساتھ پلے کارڈ اٹھائے کھڑا ہے جس پر لکھا ہے کہ خدارا شاہد خان آفریدی ، محمد رضوان میرے بیٹے کا آپریشن کروائیں۔
Thank you for bringing my attention to this child. My team at @SAFoundationN has reached out & contacted the child’s family. We will take the necessary steps to provide care and support for this child. https://t.co/I2GY8cLRNo
— Shahid Afridi (@SAfridiOfficial) March 17, 2022
شاہد خان آفریدی نے اپنے ٹوئٹ میں لکھا کہ اس بچے کی طرف میری توجہ دلانے کے لیے آپ کا شکریہ، میری ٹیم شاہد آفریدی فاؤنڈیشن نے بچے کے خاندان سے رابطہ کیا، ہم اس بچے کی دیکھ بھال اور مدد فراہم کرنے کے لیے ضروری اقدامات کریں گے۔
