روٹرڈیم:(ویب ڈیسک) پاکستان نے نیدر لینڈز کو دوسرے ون ڈے میچ میں 7 وکٹ سے شکست دیکر تین میچوں کی سیریز میں دو، صفر سے فیصلہ کن برتری حاصل کرلی ہے۔
روٹرڈیم میں کھیلے گئے میچ میں میزبان ٹیم نے ٹاس جیت کر پہلے بیٹنگ کا فیصلہ کیا۔
پاکستان اننگز
187 رنز کا ہدف قومی ٹیم نے بآسانی 3 وکٹ کے نقصان پر 33 اعشاریہ 4 اوورز میں 191 رنز بناکر حاصل کرلیا، وکٹ کیپر بیٹر محمد رضوان سب سے زیادہ 69 رنز بناکر ناقابل شکست رہے جبکہ کپتان بابر اعظم 57 سکور بناکر دوسرے نمایاں بیٹر رہے، آغا سلمان 50 رنز بناکر ناٹ آؤٹ پویلین لوٹے۔
شکست خوردہ ٹیم کی جانب سے ویویان کنگما نے 2 اور آریان دت نے ایک وکٹ حاصل کی۔
Series win sealed
— Pakistan Cricket (@TheRealPCB) August 18, 2022
Pakistan win the second ODI by seven wickets #NEDvPAK | #BackTheBoysInGreen pic.twitter.com/T3vN4YPcU3
نیدرلینڈز اننگز
پاکستان کے خلاف پہلے بیٹنگ کرتے ہوئے میزبان ٹیم 44 اعشاریہ 1 اوورز میں صرف 186 رنز بناکر آؤٹ ہوگئی، باس ڈی لی ڈی نے سب سے زیادہ 89 رنز کی اننگز کھیلی، ٹام کوپر 66 سکور بناکر دوسرے نمایاں بیٹر رہے۔
حارث رؤف اور محمد نواز نے 3،3 جبکہ نسیم شاہ نے 2، محمد وسیم اور شاداب خان نے 1،1 وکٹ حاصل کی۔
مین آف دی میچ
42 رنز کے عوض 3 مخالف کھلاڑیوں کو پویلین کی راہ دکھانے والے سپنر محمد نواز کو میچ کا بہترین کھلاڑی قرار دیا گیا۔
محمد رضوان کے 1 ہزار رنز
قومی ٹیم کے وکٹ کیپر بیٹر محمد رضوان نے نیدر لینڈز کے خلاف ناٹ آؤٹ 69 رنز بناکر اپنے ون ڈے کیریئر میں 1 ہزار رنز کا سنگ میل بھی عبور کیا۔
Mohammad Rizwan completes his runs in ODIs #NEDvPAK | #BackTheBoysInGreen pic.twitter.com/yXpSRxXzS8
— Pakistan Cricket (@TheRealPCB) August 18, 2022
