ڈیپارٹمنٹل سپورٹس کی بحالی پر حفیظ، کامران اکمل وزیراعظم شہباز شریف کے مشکور

لاہور: (ویب ڈیسک) وزیراعظم شہباز شریف کی طرف سے ڈیپارٹمنٹل سپورٹس کو بحال کیے جانے کے بعد قومی ٹیم کے سابق آل راؤنڈر محمد حفیظ اور وکٹ کیپر بیٹسمین کامران اکمل نے ان کا شکریہ ادا کیا ہے۔

سماجی رابطے کی ویب سائٹ ٹویٹر پر اپنے ایک بیان می قومی ٹیم کے ٹیسٹ وکٹ کیپر کامران اکمل نے لکھا کہ وزیر اعظم شہباز شریف کا محکمانہ کھیلوں کی بحالی کے لیے دل کی گہرائیوں سے شکریہ ادا کرتا ہوں۔ یہ واقعی ایک قابل تحسین فیصلہ ہے۔گزشتہ چند سال تمام کھلاڑیوں اور ان کے خاندانوں کے لیے بہت مشکل رہے ۔ سب بے روزگار تھے اور ان کے پاس اپنے خاندانوں کی کفالت کا کوئی ذریعہ نہیں تھا۔ وزیر اعظم صاحب بہت بہت شکریہ۔

I would like to thanks @CMShehbaz from the bottom of my heart for restoring departmental sports..Really a commendable decision As last few years have been very tough for all sportsmen&their families,they all were jobless and had no means to support their families..huge thanks 

— Kamran Akmal (@KamiAkmal23) August 25, 2022

دوسری طرف قومی ٹیم کے سابق آل راؤنڈر محمد حفیظ نے ٹویٹر پر لکھا کہ میں اپنے دوستوں مصباح الحق اور اظہر علی کا شکریہ ادا کرنا چاہوں گا کہ انہوں نے ڈیپارٹمنٹل کرکٹ کی بحالی کے لیے میرے ساتھ آواز اٹھائی اور ثابت قدم رہے۔

انہوں نے کہا کہ ڈیپارٹمنٹل کرکٹ کی بحالی سے ہمارے ملک کے تمام کھلاڑیوں کو مواقع اور مالی مدد ملے گی۔ وزیراعظم شہباز شریف کے مشکور ہیں۔ 

I would like to thank my colleagues @captainmisbahpk & @AzharAli_ to raise their voice with me & stood firm on it. Restoration of departmental cricket will provide opportunities & financial help to all sportsmen of our country. Thank U @CMShehbaz

— Mohammad Hafeez (@MHafeez22) August 25, 2022