کرائسٹ چرچ: (دنیا نیوز) نیوزی لینڈ میں موجود قومی کرکٹ ٹیم نے میدان میں اترنے کی تیاری کر لی، کھلاڑیوں نے بارش کے باعث ان ڈور ٹریننگ کی، قومی کرکٹرز نے بیٹنگ اور باؤلنگ کی مشقیں کیں۔
پاکستان، نیوزی لینڈ اور بنگلہ دیش کے درمیان ٹرائی اینگولر سیریز کل سے شروع ہو رہی ہے، پہلے میچ میں پاکستان اور بنگلہ دیش 7 اکتوبر کو مدمقابل ہوں گے، میچ پاکستانی وقت کے مطابق صبح 7 بجے شروع ہو گا۔
مجموعی طور پر پاکستان کا نیوزی لینڈ کیخلاف ریکارڈ شاندار ہے، قومی ٹیم نے 25 میں سے 15 میچز اپنے نام کر رکھے ہیں جبکہ 10 میں ناکامی کا سامنا کرنا پڑا۔
Boys sweating hard in the cold weather of Lincoln #NZTriSeries #BackTheBoysInGreen pic.twitter.com/MnynD8hQLx
— Pakistan Cricket (@TheRealPCB) October 6, 2022
سٹیٹس کے مطابق قومی ٹیم نے نیوزی لینڈ کیخلاف آخری دو میچ بھی جیت رکھے ہیں جبکہ دونوں ٹیموں کے درمیان کرائسٹ چرچ کے میدان کھیلا گیا واحد ٹی 20 میچ بھی گرین شرٹس کے نام رہا۔
بنگلہ دیش کیخلاف بھی قومی ٹیم کو عددی برتری حاصل ہے، پاکستان نے 15 میں سے 13 میچز میں کامیابی سمیٹ رکھی ہے۔
