بگ بیش : سکارچرز اور برسبین اپنے اپنے میچز میں کامیاب

Published On 21 January,2023 03:13 am

سڈنی : ( ویب ڈیسک ) بگ بیش لیگ ( بی بی ایل ) میں پرتھ سکارچرز اور برسبین ہیٹ نے اپنے اپنے میچز جیت لئے۔

میڈیا رپورٹس کے مطابق پرتھ سکارچرز نے ایڈیلیڈ سٹرائیکرز کو 7 وکٹوں سے شکست دی جبکہ برسبین ہیٹ نے ہوبارٹ ہریکینز کے خلاف 13 رنز سے کامیابی سمیٹی۔

جمعہ کو ایڈیلیڈ میں کھیلے گئے ایونٹ کے 48 ویں میچ میں سٹرائیکرز پہلے بیٹنگ کرتے ہوئے 17اوورز میں 92 رنز پر ہی ڈھیر ہوگئی، سکارچرز نے 93 رنز کا ہدف 11.1 اوورز میں تین وکٹوں کے نقصان پرباآسانی حاصل کیا۔

Steer domination!#BBL12 pic.twitter.com/lWyRK1jqSa
— KFC Big Bash League (@BBL) January 20, 2023

برسبین میں کھیلے گئے 49 ویں میچ میں ہیٹ نے مقررہ اوورز میں 9 وکٹوں کے نقصان پر 162 رنز بنائے، ہدف کے تعاقب میں ہوبارٹ ہریکینز کی ٹیم مقررہ اوورز میں 6 وکٹوں کے نقصان پر 150 رنز ہی بنا سکی۔