کوئٹہ: (ویب ڈیسک) 5 فروری کو پی ایس ایل8 کے کوئٹہ میں ہونیوالے نمائشی میچ کے لیے ٹکٹوں کی فروخت کا آغاز کردیا گیا، جس کی قیمت صرف 20 روپے رکھی گئی۔
بگٹی سٹیڈیم میں کھیلے جانے والے میچ میں عوام کی دلچسپی بڑھانے کے لیے ٹکٹ کی قیمت محض 20 روپے رکھی گئی ہے، یہ ٹکٹ کوئٹہ کے چار مختلف مقامات پر فروخت کے لیے رکھے گئے ہیں جن میں بولان کرکٹ سٹیڈیم اور بگٹی کرکٹ سٹیڈیم بھی شامل ہیں۔
Mark your calendars!
— PakistanSuperLeague (@thePSLt20) January 29, 2023
Enjoy the star-studded exhibition match between @PeshawarZalmi vs @TeamQuetta at Bugti Stadium Quetta on 5th February, 2023
Watch live on PTV Sports pic.twitter.com/8XnYPZQkmO
پی ایس ایل کی معروف فرنچائز کوئٹہ گلیڈی ایٹر اور پشاور زلمی کے درمیان کھیلے جانے والے اس نمائشی میچ میں ملک کے نامور کرکٹرز شرکت کریں گے جن میں شاہد آفریدی بھی شامل ہیں۔
تاہم قومی کپتان بابراعظم، سابق ٹیسٹ کپتان سرفراز احمد، محمد نواز، نسیم شاہ، افتخار احمد، محمد حسنین اور عمر اکمل جیسے کھلاڑی بھی ایکشن میں نظر آئیں گے۔
