آکلینڈ: (ویب ڈیسک) سری لنکا نے پہلے ٹی 20 انٹرنیشنل میں نیوزی لینڈ کو سنسنی خیز مقابلے کے بعد سپر اوور میں ہرا دیا۔
آکلینڈ میں کھیلے گئے پہلے ٹی 20 میچ میں سری لنکا نے 5 وکٹوں کے نقصان پر 196 رنز بنائے، میزبان ٹیم بھی 8 وکٹوں پر 196 رنز بناسکی۔
سری لنکا کی جانب سے کوشل مینڈس نے 25 رنز بنائے، چرتھ اسالانگا نے 67 رنز کی اننگز کھیلی، کوشل پریرا نے بھی ناقابل شکست 53 رنز بنا کر ٹیم کا مجموعی سکور پانچ وکٹوں کے نقصان پر 196 تک پہنچانے میں اہم کردار ادا کیا۔
Charith Asalanka delivers in a gripping T20I!
— ICC (@ICC) April 2, 2023
The left-hander made 67 in Sri Lanka s innings before more heroics in the Super Over to beat New Zealand #NZvSL scorecard: https://t.co/Qlt04iZn0c pic.twitter.com/ttLANonFwr
جواب میں نیوزی لینڈ کے اوپنرز تین رنز پر پویلین لوٹ گئے، ڈیرل مچل نے 66 اور ٹام لیتھم نے 27 رنز بنا کر ٹیم کو سنبھالا، چیمپ مین نے 33 اور راچن روندرا نے 26 رنز کی اننگز کھیلی۔
میچ کی آخری گیند پر نیوزی لینڈ کو جب 7 رنز درکار تھے تو ایش سوڈھی نے چھکا لگا کر میچ ٹائی کردیا اور میچ سپر اوور میں چلا گیا۔
نیوزی لینڈ کی ٹیم نے سپر اوور میں پہلے بیٹنگ کی اور صرف 8 ہی رنز بناسکی، سری لنکا نے 9 رنز کا ہدف 3 گیندوں پر پورا کرکے سیریز میں ایک صفر کی کامیابی حاصل کرلی۔
