راولپنڈی: (ویب ڈیسک) پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ بھارت کو پاکستان آکر کھیلنا چاہیے۔
مکی آرتھر کے ساتھ پریس کانفرنس کرتے ہوئے نجم سیٹھی نے کہا کہ مورنے مورکل آئی پی ایل کے بعد بطور باؤلنگ کوچ جوائن کریں گے، غیرملکی کوچز کا ماحول بہت پروفیشنل ہوتاہے، ٹاپ ٹیموں کے ساتھ کھیلنے کے لیے ٹاپ کوچز کو منتخب کرناہوگا۔
انہوں نے کہا کہ سفارش کی وجہ سے پروفیشنلزم متاثر ہوتی ہے، انٹرنیشنل سطح پر کوچ کا کام دماغی طور پر مضبوط کرنا ہوتاہے، چار ماہ سے مکی آرتھر سے کوچنگ پینل کے حوالے سے بات چیت چل رہی تھی، مکی آرتھر پر بھروسہ ہے، میرا تجربہ ان کے ساتھ اچھا ہے۔
Press conference of Mr Najam Sethi, Mickey Arthur and Haroon Rashid at Pindi Cricket Stadium. https://t.co/sPSkivqRd2
— Pakistan Cricket (@TheRealPCB) April 20, 2023
انہوں نے کہا کہ ہمیں کہا جا رہا ہے ایشیاکپ نیوٹرل وینیو پر کھیلے اور پاکستان بھارت ورلڈکپ کھیلنے جائے، برف بھارت کی طرف سے بھی پگھلنی چاہیے، بھارت کو پاکستان آکر کھیلنا چاہیے، اب پاکستان نہ اکر کھیلنے کی بھارت کے پاس کیا وجہ ہے؟
یہ بھی پڑھیں: مکی آرتھر پاکستان کرکٹ ٹیم کے ڈائریکٹر تعینات
انہوں نے کہا کہ پاکستان میں سیکیورٹی بہترین ہے، بی سی سی آئی کہتی ہے کہ پاکستان جا کر کھیلنے کی حکومت کی طرف سے اجازت نہیں، ورلڈکپ کے آنے تک ہماری حکومت کا کیا مؤقف ہوگا ابھی نہیں معلوم، ابھی ہمارا موقف یہی ہے کہ بھارت پاکستان آئے اور پاکستان بھارت جا کر کھیلے۔
مکی آرتھر نے کہا کہ پاکستان کے کھلاڑیوں کو گزشتہ 5 سال سے دیکھ رہاہوں، پاکستان کے کھلاڑیوں کے پاس بے پناہ صلاحیت ہے، نئے کھلاڑیوں کو قومی ٹیم میں شامل کرنا ضروری ہے۔
بابراعظم کی بیٹنگ کرتے وقت ہاتھوں کی رفتار نے بہت متاثر کیا، گرانٹ فلاور نےلاہور میں مجھے بابراعظم کو دیکھنے کا بتایا، کرکٹ خود ایک عالمی زبان ہے، زبان کاکوئی مسلہ نہیں۔
