لاہور: (ویب ڈیسک) قومی کرکٹ ٹیم کے اوپنر بلے باز امام الحق نے کہا ہے کہ پوری ٹیم ایشیا کپ اور ورلڈ کپ میں جان مارے گی نتیجہ اللہ کے ہاتھ میں ہے۔
نجی ٹی وی کو انٹرویو دیتے ہوئے کرکٹر امام الحق کا کہنا تھا کہ ایشیا کپ اور ورلڈ کپ میں سپنرز کا کرداراہم ہو گا، پہلی اور نئی مینجمںٹ میں بہت فرق ہے، براڈ برن کا طریقہ کارمختلف ثقلین مشتاق کا بتانے کا انداز کچھ اور تھا۔
امام الحق نے کہا قوم کو ہماری ٹیم سے بہت امیدیں ہیں، ایشین کنڈیشنز ہماری ٹیم کو بہت سپورٹ کرینگی، پاکستان میں 6 سے 7 ماہ گرمی پڑتی ہے اس سے واقف ہیں، تربیتی کیمپ میں کھلاڑیوں کی فٹنس پر بھی کام ہورہا ہے، سٹرائیک ریٹ پر کام ہونے والا ہے۔
انہوں نے مزید کہا ہے کہ سری لنکا سیریز، ایشیاء کپ اور ورلڈ کپ کے لئے کھلاڑیوں کو کوچز کی طرف سے ذمہ داریاں سونپ دی گئی ہیں، کوچز کی جانب سے تربیتی کیمپ میں بیٹرز کو سپن پرمختلف شاٹس کھیلنے سے متعلق بتایا جارہا ہے، ایشیا اور ورلڈ کپ میں سپنرز کا کردار اہم ہو گا۔
