لندن : ( ویب ڈیسک ) انگلینڈ کے بیٹر اولی پوپ کندھے کی انجری کے باعث ایشز سیریز کے بقیہ میچوں سے باہر ہو گئے۔
انگلش نائب کپتان لارڈز میں کھیلے گئے ایشز سیریز کے دوسرے ٹیسٹ کے دوران گراؤنڈ میں ڈائیو لگاتے ہوئے زخمی ہو گئے تھے، دو روز قبل کیے جانے والے سکینز کی رپورٹ کے مطابق 25 سالہ پوپ کے کندھے کی سرجری ہو گی۔
ہیڈنگلے میں کل سے شروع ہونیوالے سیریز کے تیسرے ٹیسٹ کیلئے 25 سالہ ڈین لارنس کو ٹیم میں شامل کئے جانے کا امکان ہے۔
جوئے روٹ کا کہنا تھا کہ اولی پوپ ٹیم کا لازمی حصہ ہیں ، انجری کے باعث ان کا نہ کھیلنا ہمارے لیے نقصان دہ ہوگا۔
یاد رہے کہ انگلینڈ اور آسٹریلیا کے درمیان جاری 5 ٹیسٹ میچز پر مشتمل ایشز سیریز میں مہمان ٹیم کو دو ، صفر کی برتری حاصل ہے جبکہ دونوں ٹیموں کے درمیان سیریز کا تیسرا میچ جمعرات ( کل ) سے ہیڈنگلے میں شروع ہوگا۔
