لاہور: (دنیا نیوز) وزیراعظم شہباز شریف نے ایمرجنگ ایشیا کپ جیتنے پر پاکستان شاہینز ٹیم کو مبارکباد دی۔
وزیراعظم شہباز شریف نے سماجی رابطے کی ویب سائٹ ٹویٹر پر لکھا کہ کھیلوں کے میدان سے ایک اور اچھی خبر ہے، اس بار ہمارے نوجوان کرکٹ ہیروز نے ہندوستان کو پچھاڑ کر ایمرجنگ ایشیا کپ کا تاج اپنے سر سجا لیا ہے۔
— Shehbaz Sharif (@CMShehbaz) July 23, 2023
انہوں نے لکھا کہ اس سے ظاہر ہوتا ہے ہمارے نوجوان کتنے پرجوش اور پرعزم ہیں، میں پہلے سے کہیں زیادہ پرعزم ہوں زیادہ سے زیادہ سہولت کے ذریعے کھیلوں کے فروغ کو ترجیح دوں گا۔
آخر میں وزیراعظم شہباز شریف نے لکھا کہ شاباش لڑکو، پرچم بلند رکھو۔
