لاہور: (دنیا نیوز) پاکستان سپر لیگ (پی ایس ایل) کے سیزن 9 کا آفیشل ترانہ جاری کردیا گیا۔
پی ایس ایل سیزن 9 کے ترانے میں پاکستان کے سٹار گلوکار علی ظفر اور آئمہ بیگ نے آواز کا جادو جگایا ہے، 17 فروری کو قذافی سٹیڈیم میں ہونے والی افتتاحی تقریب میں علی ظفر اور آئمہ بیگ اس پر پرفارم بھی کریں گے۔
— PakistanSuperLeague (@thePSLt20) February 14, 2024
علی ظفر نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے جس میں انہوں نے پی ایس ایل سانگ سے جڑے اپنے جذبات سے متعلق گفتگو کی۔
انہوں نے کہا کہ میں سیزن ون سے پی ایس ایل کا حصہ رہا ہوں اور شروع کے 3 سیزنز میں بھی میں نے کوشش کی تھی لوگوں کو خوب انٹرٹین کر سکوں اور اس بار بھی میری یہ ہی کوشش تھی، امید ہے آپ سب اس گانے کو بھی خوب انجوائے کریں گے۔
