کراچی: (دنیا نیوز) پاکستان کے فاسٹ بولر عباس آفریدی نے کہا ہے کہ آسٹریلیا میں حریف پلیئرز سے نبرد آزما ہونے کے لیے پلان ہے۔
کراچی میں میڈیا سے گفتگو کرتے ہوئے عباس آفریدی نے کہا کہ آسٹریلیا کی کنڈیشنز کافی مشکل ہوتی ہیں، وہاں کھیل چکے ہیں، اندازہ ہے کہ کیسی کنڈیشنز ہوں گی۔
انہوں نے کہا کہ کراچی میں کیمپ کافی مددگار ثابت ہو گا، یہاں ہم اپنے سکلز پر کام کر رہے ہیں، سلوور ون سے ٹارگٹ کرنا چاہوں گا،پیٹ کمنز اچھے پلیئر ہیں، خواہش ہے کہ آسٹریلیا کے دورے میں ان سے کچھ سیکھ سکوں۔
عباس آفریدی کا کہنا ہے کہ محمد رضوان ہمیشہ نوجوانوں کو سپورٹ کرتے ہیں، اگر بولرز رنز بھی دیتا ہے تو وہ حوصلہ دیتے ہیں، بیٹنگ شروع ہی سے پسند رہی ہے، اس پر کام کر رہا ہوں، کوشش کر رہا ہوں کہ ایک اچھا آل راؤنڈر بن سکوں۔
