لاہور:(دنیا نیوز) افغانستان اور آسٹریلیا کا میچ بارش کے باعث بے نتیجہ ختم ہو گیا، دونوں ٹیموں کو ایک، ایک پوائنٹ مل گیا۔
آسٹریلیا نے افغانستان کے خلاف ہدف کے تعاقب میں 12.5اوورز میں ایک کھلاڑی کے نقصان پر 109رنز بنائےاور بارش کے باعث میچ روک دیا گیا، آسٹریلیا کی جانب سے ٹریوس ہیڈ 59رنز اورسٹیون سمتھ 19رنز کے ساتھ ناٹ آؤٹ رہے جبکہ واحد آؤٹ ہونے والے کھلاڑی میٹ شارٹ تھے جنہوں نے 20رنز بنائے ان کی وکٹ عظمت اللہ عمرزئی نے حاصل لی۔
میچ منسوخ ہونے کے بعد آسٹریلیا نے چار پوائنٹ کے ساتھ سیمی فائنل میں جگہ بنا لی۔
افغانستان اننگز
اہم میچ میں افغان ٹیم کا آغاز اچھا نہ رہا اوپنر رحمان اللہ گرباز صفر پر یویلین روانہ ہوگئے تاہم ابراہیم زدران اور صدیق اللہ اتل نے دوسری وکٹ کی شراکت میں 67 رنز کی پارٹنرشپ قائم کی تاہم ابراہیم 22 رنز بنا کر آؤٹ ہو گئے بعدازاں رحمت شاہ بھی 12 رنز بنا کر چلتے بنے۔
اس کے بعد ابراہیم اور صدیق اللہ نے ذمہ دارانہ بیٹنگ کی تاہم ابراہیم زادران 22رنز بنا کر آؤٹ ہوگئے، پھر رحمت شاہ 12 رنز بنا کر پویلین لوٹے،صدیق اللہ بھی 85 رنز بناکر کیچ آؤٹ ہوئے،عظمت اللہ عمرزئی کی شاندار بیٹنگ کی بدولت افغان ٹیم آخری اوور کی آخری گیند پر 273 رنز بناکر ڈھیر ہوگئی۔
عظمت اللہ عمر زئی67 رنز بناکر نمایاں رہے، آسٹریلیا کی جانب سے بین نے 3، جانسن اور زمپا نے 2، 2 کھلاڑیوں کو آؤٹ کیا۔
افغان سکواڈ
افغان سکواڈ میں کپتان حشمت اللہ شاہدی، ابراہیم زدران، رحمان اللہ گرباز، صدیق اللہ اتل، رحمت شاہ، عظمت اللہ عمرزئی، محمد نبی، گلبدین نائب، راشد خان، نور احمد اور فضل الحق فاروقی شامل ہیں۔
آسٹریلین ٹیم
آسٹریلوی سکواڈ کپتان سٹیو سمتھ، ٹریوس ہیڈ، میٹ شارٹ، مارنس لبوشین، جوش انگلس، الیکس کیری، گلین میکسویل، بین ڈورشوئس، نیتھن ایلس، ایڈم زمپا اور سپینسر جانسن پر مشتمل ہے۔
واضح رہے کہ آسٹریلیا اور افغانستان کی ٹیموں نے ابھی تک ایک، ایک میچ میں کامیابی حاصل کی، افغانستان کی ٹیم نے بڑا اپ سیٹ کرتے ہوئے انگلینڈ کو شکست دی تھی۔
