دبئی :(دنیا نیوز) بھارتی نائب کپتان شبمن گل نے کہا ہے کہ کیویز کے ساتھ فائنل کھیلنے کے لیے دباؤ تو ہے لیکن تجربہ بروئے کارلا کرنمٹا جاسکتا ہے۔
چیمپئنز ٹرافی کے فائنل سے قبل پریس کانفرنس کرتے ہوئے شبمن گل کہنا تھا کہ کوشش ہوگی فائنل میں بھی اچھا کھیل پیش کریں، پوری ٹیم کے اندر بہترین ہم آہنگی ہے جبکہ دبئی کا موسم تبدیل ہوگیا، گرمی کے باعث وکٹ سلو رہنے کاامکان ہے۔
بھارتی نائب کپتان نے کہا کہ دبئی کنڈیشن سے واقف ہیں، پچ ویسی ہی ہوگی، روہت شرما ریٹائرمنٹ پر ابھی غور نہیں کر رہے، ساری توجہ چیمپئنزٹرافی کا فائنل جیتنے پر ہے۔
انہوں نے کہا کہ بڑے میچ کا دباؤ ہمیشہ رہتا ہے لیکن تجربہ کار کھلاڑی دباؤ سے نمٹنے میں کامیاب ہوتے ہیں، آسٹریلیا کا باؤلنگ اٹیک زیادہ مضبوط نہیں تھا لیکن بھارتی ٹیم نے سیمی فائنل کے دباؤ میں وکٹیں گنوائیں تھیں۔
دوسری جانب نیوزی لینڈ کے کپتان سینٹر بھی جیت کیلئے پرامید ہیں۔
خیال رہے آئی سی سی چیمپئنزٹرافی 2025 کے فائنل کا فیصلہ کل ہوگا، بھارت اور نیوزی لینڈ کی ٹیمیں دبئی میں ایک دوسرے پر جھپٹیں گی،بھارت نے سیمی فائنل میں آسٹریلیا کو ہرایا جبکہ نیوزی لینڈ نے پروٹیز کو زیر کیا تھا۔
