راولپنڈی: (دنیا نیوز) پاکستان سپرلیگ میں لاہور قلندرز اور پشاور زلمی کے درمیان ہونیوالے میچ کے دوران پاک فضائیہ کو خراج تحسین پیش کرنے کیلئے تقریب منعقد کی گئی۔
تقریب میں پاک فضائیہ کے سربراہ ائیر چیف مارشل ظہیر احمد بابر سدھو اور چیئرمین پی سی بی محسن نقوی سمیت دیگر عہدیداران نے شرکت کی۔
گلوکارساحر علی بگا اور شجاع حیدرنے شاندارپرفارمنس پیش کی جبکہ شاندار آتش بازی کا بھی مظاہرہ کیا گیا، سٹیڈیم میں موجود کھلاڑیوں اور شہریوں نے پاک فضائیہ کے جوانوں کو بھرپور خراج تحسین پیش کیا۔
واضح رہے کہ گزشتہ روز پاکستان سپر لیگ (پی ایس ایل) کے دسویں ایڈیشن کا دوبارہ آغاز کراچی کنگز اور پشاور زلمی کے میچ کے دوران آرمی چیف جنرل سید عاصم منیر کے ساتھ ڈی جی آئی ایس پی آر لیفٹیننٹ جنرل احمد شریف چودھری اور وفاقی وزیر داخلہ محسن نقوی بھی سٹیڈیم میں موجود تھے۔
