برمنگھم: (دنیا نیوز) ورلڈ چیمپئن شپ آف لیجنڈز کے دوسرے سیمی فائنل میں ساؤتھ افریقا چیمپئنز نے آسٹریلیا چیمپئنز کو 1 رن سے شکست دے کر فائنل میں رسائی حاصل کر لی۔
برمنگھم میں کھیلے گئے ایونٹ کے دوسرے ناک آؤٹ مقابلے میں 186 رنز کے تعاقب میں آسٹریلیا چیمپئنز کی ٹیم مقررہ 20 اوورز میں 7 وکٹوں کے نقصان پر 185 رنز بنا سکی۔
ساؤتھ افریقا نے ٹاس جیت کر پہلے بیٹنگ کرتے ہوئے مقررہ اوورز میں 8 وکٹوں کے نقصان پر 186 رنز سکور کئے، ساؤتھ افریقا کی جانب سے مورن وین وائک 76 رنز بنا کر نمایاں رہے، جے جے سمٹس 57، ژاں پال ڈومنی 14، ہنری ڈیوڈز 11، سریل اروی 9، اے بی ڈی ویلیئرز 6، وین پارنل 3 اور ہارڈس ولژون 0 کے انفرادی سکور پر پویلین لوٹے۔
آسٹریلیا کی جانب سے پیٹر سڈل نے 4، ڈارسی شارٹ نے 2 جبکہ کپتان بریٹ لی اور ڈینئل کرسچن نے 1، 1 کھلاڑی کو آؤٹ کیا۔
آسٹریلیا کی جانب سے ڈینئل کرسچن باٹ 49 رنز بنا کر نمایاں رہے، کرس لین 35، ڈارسی شارٹ 33، شان مارش 25، بین ڈنک 12، راب کوئنی 9 (ریٹائرڈ ہرٹ)، بین کٹنگ 8، کیلم فرگوسن 3 اور نیتھن کولٹر نائل 0 کے انفرادی سکور پر آؤٹ ہوئے۔
ساؤتھ افریقا کے وین پارنل اور ہارڈس ولژون نے 2، 2 جبکہ ڈوان اولیور اور عمران طاہر نے 1، 1 کھلاڑی کو آؤٹ کیا۔
ایونٹ کا فائنل دو اگست کو شیڈول ہے جہاں جنوبی افریقا کا سامنا پاکستان سے ہوگا، واضح رہے پہلے سیمی فائنل میں بھارت کے پاکستان کے خلاف کھیلنے سے انکار پر پاکستان کو فائنل میں واک اوور دیا گیا تھا۔
