لاہور: (دنیا نیوز) صدر ایشین کرکٹ کونسل محسن نقوی نے ایشیا کپ کے وینیوز کا اعلان کر دیا۔
چیئرمین پی سی بی محسن نقوی نے سماجی رابطے کی سائٹ ایکس پر اپنے پیغام میں وینیوز کا اعلان کیا جس کے مطابق ایشیا کپ کے میچز کے میزبان دبئی اور ابوظہبی ہوں گے۔
محسن نقوی نے بتایا کہ افتتاحی میچ افغانستان اور ہانگ کانگ کے درمیان ابوظہبی میں ہوگا، دو ٹاپ ٹیموں کے درمیان فائنل کا میزبان دبئی ہوگا۔
— Mohsin Naqvi (@MohsinnaqviC42) August 2, 2025
پاکستان اپنے تینوں پول میچز دبئی میں کھیلے گا، بھارت کے دو میچز دبئی میں ہوں گے اور ایک میچ ابوظہبی میں کھیلا جائے گا۔
محسن نقوی کے بعد پاک بھارت ہائی وولٹیج ٹاکرے کا میزبان بھی دبئی کا انٹرنیشنل کرکٹ سٹیڈیم ہوگا۔
افغانستان اور ہانگ کے درمیان میچ 9 ستمبر کو شام 6 بجے کھیلا جائے گا، دنیائے کرکٹ کا سب سے بڑا مقابلہ 14 ستمبر کو شام 6 بجے دبئی سٹیڈیم میں کھیلا جائے گاا۔
سپر فور کے تمام میچز بھی شام 6 بجے شروع ہوں گے، 28 ستمبر کو دبئی کرکٹ سٹیڈیم فائنل کی میزبانی کرے گا جو شام 6 بجے شروع ہو گا۔
