لاہور: (ویب ڈیسک) افغانستان کرکٹ بورڈ نے ایشیا کپ کیلئے سکواڈ کا اعلان کر دیا، راشد خان ٹیم کی قیادت کریں گے۔
افغانستان کرکٹ بورڈ کی جانب سے جاری اعلامیے میں بتایا گیا ہے کہ سکواڈ میں رحمان اللّٰہ گرباز، ابراہیم زدران، درویش رسولی، صدیق اللہ اتل، عظمت اللّٰہ عمرزئی، کریم جنت، محمد نبی، گلبدین نائب، شرف الدین اشرف، محمد اسحاق، مجیب الرحمان اور اے ایم غضنفر شامل ہیں۔
اس کے علاوہ نور احمد، فرید احمد ملک، نوین الحق اور فضل حق فاروقی ٹیم کا حصہ ہوں گے۔
افغانستان ٹیم ایشیا کپ سے قبل سہ ملکی سیریز میں حصہ لے گی۔
واضح رہے کہ 9 ستمبر سے شروع ہونے والے ایونٹ میں افغانستان کی ٹیم گروپ بی میں ہے، جہاں اس کا مقابلہ بنگلادیش، سری لنکا اور ہانگ کانگ سے ہوگا۔
