ڈھاکا: (دنیا نیوز) بنگلا دیش نے ایشیا کپ کیلئے 16 رکنی سکواڈ کا اعلان کر دیا جس کے کپتان لٹن داس ہوں گے۔
ذرائع کے مطابق بنگلا دیش کے سکواڈ میں تنزید حسن، پرویز حسین، سیف حسن، توحید ہری دوئے، جیکر علی انیک، شمیم حسین، قاضی نورالحسن، شاک مہدی حسن، راشد حسین، نسوم احمد، مستفض الرحمان، تنظیم حسن، تسکین احمد، شریف السلام، سیف الدین شامل ہیں۔
دوسری جانب ایشیا کپ کیلئے سٹینڈ بائے کھلاڑیوں میں سومیا سرکار، مہدی حسن میراز، تنویر اسلام اور حسن محمود شامل ہیں۔
بنگلا دیش نے وکٹ کیپر بیٹر قاضی نور الحسن کو تین سال بعد ٹی 20 سکواڈ میں شامل کیا ہے، 31 سالہ کھلاڑی نے آخری ٹی 20 ورلڈکپ 2022 میں کھیلا تھا۔
خیال رہے بنگلا دیش ایشیا کپ میں گروپ بی میں ہے جس میں افغانستان، ہانگ کانگ اور سری لنکا شامل ہے۔
