راولپنڈی: (دنیا نیوز) پاک فوج کے شعبہ تعلقات عامہ کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا سے بنگلہ دیشی آرمی کے کوارٹر ماسٹر جنرل کی ملاقات ہوئی۔
آئی ایس پی آر کے مطابق ملاقات کے دوران دفاع اور سکیورٹی کے شعبے میں موجودہ تعاون کو مزید فروغ دینے کے لیے مشترکہ عزم پر زور دیا گیا۔
لیفٹیننٹ جنرل محمد فیض الرحمان نے پاکستان کی مسلح افواج کی پیشہ ورانہ صلاحیتوں کو سراہا اور دہشت گردی کے خلاف جنگ میں افواج پاکستان کی قربانیوں کا اعتراف کیا۔
آئی ایس پی آر کے مطابق چیئرمین جوائنٹ چیفس آف سٹاف کمیٹی نے دونوں ممالک کے درمیان دوطرفہ تعلقات کی بڑھتی ہوئی رفتار پر روشنی ڈالی اور دفاعی تعاون کی نئی راہوں کی نشاندہی کی۔
پاک فوج کے شعبہ تعلقات عامہ کے مطابق معزز مہمان نے پاکستان کی مسلح افواج کی پیشہ وارانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔
