ڈھاکا: (دنیا نیوز) وفاقی وزیر تجارت جام کمال چار روزہ سرکاری دورے پر ڈھاکا پہنچ گئے۔
وفاقی وزیر تجارت جام کمال خان کا دورہ 21 سے 24 اگست تک جاری رہے گا، ڈھاکا ایئرپورٹ پر مشیر تجارت شیخ بشیرالدین اور پاکستانی ہائی کمشنر عمران حیدر نے استقبال کیا، پاکستان اور بنگلا دیش کے درمیان تجارتی تعلقات مضبوط بنانے پر توجہ دی جائے گی۔
وفاقی وزیر تجارت اپنے بنگلا دیشی ہم منصب سے اعلیٰ سطح کی ملاقات کریں گے، دورے کے دوران حکومتی شخصیات اور کاروباری رہنماؤں سے بھی ملاقاتیں ہوں گی، تجارت اور سرمایہ کاری کے نئے مواقع پر تبادلہ خیال کیا جائے گا۔
