لاہور: (دنیا نیوز) لاہور میں ڈاکوؤں نے موٹروے پر خاتون کو اجتماعی زیادتی کا نشانہ بنایا پولیس نے مقدمہ درج کرکے تفتیش شروع کردی۔
تھانہ گجرپورہ پولیس کے مطابق خاتون ثنا اپنے بچوں کے ہمراہ لاہور سے گوجرانوالہ جارہی تھی۔ راستے میں پٹرول ختم ہوا تو خاتون نے گاڑی کھڑی کردی۔ اس دوران دو نامعلوم افراد آئے اور خاتون کو بچوں سمیت قریبی کھیتوں میں لے گئے۔ ملزمان نے پہلے خاتون کا زیادتی کا نشانہ بنایا اور جاتے ہوئے ایک لاکھ روپے بھی چھین کر فرار ہوگئے۔
پولیس کے مطابق واردات کے دوران متاثرہ خاتون کے دو بچے بھی ہمراہ تھے۔ رواں سال دوران ڈکیتی ذیادتی کا یہ دوسرا واقعہ ہے۔ پولیس نے2 نامعلوم افراد کے خلاف مقدمہ درج کرلیا۔
موٹروے کے قریب خاتون سے زیادتی کے واقعے پر وزیراعلیٰ پنجاب کا سخت نوٹس
— Government of Punjab (@GOPunjabPK) September 9, 2020
انسپکٹر جنرل پولیس سے رپورٹ طلب کر لی
اس سنگین جرم میں ملوث مجرموں کو جلد از جلد گرفتار کیا جائے - وزیراعلیٰ کی ہدایت
"انشاء اللہ مظلوم خاتون کو انصاف فراہم کیا جائے گا" - وزیراعلیٰ عثمان بزدار
دوسری طرف وزیراعلیٰ پنجاب سردار عثمان بزدار نے واقعہ کا نوٹس لیا اور فوری طور پر انسپکٹر جنرل پنجاب سے رپورٹ طلب کرتے ہوئے کہا ہے کہ اس سنگین جرم میں ملوث مجرموں کو جلد از جلد گرفتار کیا جائے- انشاء اللہ مظلوم خاتون کو انصاف فراہم کیا جائے گا۔
