راولپنڈی: (دنیا نیوز) راولپنڈی کے علاقہ صادق آباد میں ایک افسوسناک واقعہ سامنے آیا ہے، ایک گھر سے بہن اور بھائی کی لاشیں برآمد ہوئی ہیں۔
تھانہ صادق آباد پولیس کے مطابق دونوں نعشیں آفندی کالونی میں واقع گھر سے ملیں، بہن کی لاش 25 جبکہ بھائی کی لاش چار روز پرانی ہے۔
ذرائع کا کہنا ہے بہن اپنے معذور بھائی کی واحد کفیل تھی، بہن کے بعد معذور بھائی بھی سسک سسک کر زندگی کی بازی ہار گیا اور قریبی گھروں میں رہنے والوں کو کانوں کان خبر تک نہ ہوئی۔
پولیس نے افسوسناک واقعے کا نوٹس لیتے ہوئے تحقیقات کا آغاز کر دیا ہے۔
