اسلام آباد: (دنیا نیوز) وفاقی دارالحکومت کے تھانہ سہالہ میں مسلح افراد کے درمیان تصادم میں تین افراد جاں بحق ہوگئے۔
تفصیلات کے مطابق اسلام آباد کے تھانہ سہالہ میں دو گروپوں کے درمیان جھگڑے کے بعد مسلح تصادم ہوا جس میں دونوں گروپوں نے ایک دوسرے پر فائرنگ کی اور اسلحے کا آزادانہ استعمال کیا۔
مسلح تصادم کے نتیجے میں تین افراد جاں بحق ہوگئے، جاں بحق ہونے والوں کی شناخت غلام مصطفیٰ، پرویز اور زبیر اقبال کے ناموں سے ہوئی ہے۔
پولیس ذرائع کے مطابق واقعہ زمین کے تنازع پر پیش آیا ہے، واقعے کے بعد پولیس کی بھاری نفری جائے وقوعہ پر پہنچ گئی ہے جبکہ علاقے کے حالات کشیدہ ہیں۔
