کراچی: (دنیا نیوز) اینٹی نارکوٹکس فورس (اے این ایف) نے بھاری مقدار میں منشیات برآمد کر کے 7 ملزمان گرفتار کر لئے۔
ترجمان اے این ایف کے مطابق 7 مختلف کارروائیوں میں 227.640 کلو گرام منشیات برآمد کی گئی، کارروائیاں لاہور، اسلام آباد، جامشورو، تربت اورپشاور میں کی گئیں۔
حکام کا کہنا ہے کہ کارروائی کے دوران ملزمان کے قبضے سے برآمد ہونے والی منشیات میں 182 کلو 400 گرام چرس، 28 کلو 800 گرام افیون، 10 کلو آئس، 6 کلو افیون اور 76 ہیروئن بھرے کیپسولز شامل ہیں۔
ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
