لاہور :سیشن کورٹ سے دوہرے قتل کے دو ملزم ہتھکڑیوں سمیت فرار

Published On 18 February,2025 02:49 pm

لاہور: (دنیا نیوز) صوبائی دارالحکومت لاہور کی سیشن کورٹ سے دوہرے قتل کے دو ملزم ہتھکڑیوں سمیت فرار ہو گئے۔

ذرائع کے مطابق پولیس دوہرے قتل کے ملزمان کو سیشن کورٹ عدالت میں پیشی پر لیکر آئی تھی، دوہرے قتل کے ملزمان کو بخشی خانے میں بند کیا گیا تھا، دونوں ملزمان پولیس اہلکاروں کی مبینہ ملی بھگت سے بخشی خانے سے فرار ہوئے۔

پولیس ذرائع نے مزید بتایا کہ پولیس نے ملزمان کو پکڑنے کے لیے سیشن کورٹ کے تمام دروازے بند کردیئے ہیں، پولیس کی جانب سے ملزمان کی تلاش کے لیے سیشن کورٹ میں سرچ آپریشن شروع کردیا گیا ہے۔