لاہور: (ویب ڈیسک) پولیس نے فوری کارروائی کرتے ہوئے نیو انارکلی بازار میں عید کی شاپنگ کے لئے آئی خاتون کو ہراساں کرنے والے ملزم کو حراست میں لے لیا۔
پولیس حکام کے مطابق خاتون بازار میں شاپنگ کر رہی تھی جب ملزم فیصل یعقوب نے اسے تنگ کرنا اور چھیڑ چھاڑ کرنا شروع کر دی، واقعہ کی اطلاع ملتے ہی نیو انارکلی پولیس نے بروقت رسپانس دیتے ہوئے ملزم کو موقع پر ہی گرفتار کر لیا، پولیس نے ملزم کے خلاف مقدمہ درج کر کے تحقیقات کا آغاز کر دیا ہے۔
ایس پی سٹی کیپٹن (ر) قاضی علی رضا نے کہا کہ عید کی شاپنگ کے لئے آئی خواتین کو ہراساں کرنے والوں کے خلاف زیرو ٹالرینس پالیسی اپنائی گئی ہے اور ایسے عناصر کے خلاف سخت کارروائی کی جائے گی۔
