کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں منشیات برآمد کر کے 4 ملزمان گرفتار کر لئے۔
ترجمان اے این ایف کے مطابق کارروائیاں پشاور، مانسہرہ اور قصور میں کی گئیں۔
حکام کا کہنا ہے کہ 4 مختلف کارروائیوں میں 3.6 کلو گرام منشیات برآمد ہوئی، پکڑی گئی منشیات میں 1.5 کلو ہیروئن، 1.4 کلو گرام چرس جبکہ 500 گرام ویڈ اور 200 گرام آئس شامل ہے۔
ترجمان اے این ایف کے مطابق ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
