لاہور: (دنیا نیوز) کرائم کنٹرول ڈیپارٹمنٹ اور انٹر پول نے متحدہ عرب امارات میں کامیاب کارروائی کرتے ہوئے قتل کے مقدمات میں مطلوب3 انتہائی خطرناک اشتہاری ملزمان کو گرفتار کرلیا۔
ترجمان سی سی ڈی کے مطابق متحدہ عرب امارات سے گرفتار ملزمان میں آفتاب افضل، ارمان گورائیہ اور محمد امین شامل ہیں، سپیشل آپریشنز سیل نے انٹر پول کی مدد سے ملزموں کو گرفتار کیا، گرفتار ملزم گوجرانوالہ اور ٹوبہ ٹیک سنگھ پولیس کو قتل کے مختلف مقدمات میں مطلوب تھے۔
ترجمان نے مزید بتایا کہ آئی جی پنجاب ڈاکٹر عثمان انور نے ان خطرناک اشتہاری ملزموں کی گرفتاری کا ٹاسک سی سی ڈی کو سونپا تھا، سی سی ڈی نے انٹر پول سے اشتہاری ملزموں کے ریڈ نوٹس جاری کراوئے، ڈی متحدہ عرب امارات پولیس کے ساتھ کلوز کوآرڈینیشن سے ملزموں کی گرفتاری عمل میں لائی گئی۔
ترجمان نے مزید بتایا کہ سی سی ڈی نے قلیل مدت میں تینوں اشتہاری ملزموں کو متحدہ عرب امارات سے گرفتار کیا، جرائم پیشہ افراد کو قانون کے کٹہرے میں لانے کیلئے تمام وسائل بروئے کار لائے جارہے ہیں۔
