مردان:(دنیا نیوز) خیبر پختونخوا کے ضلع مردان میں مبینہ پولئس مقابلے میں دو ملزم ہلاک ہو گئے۔
پولیس کے مطابق ملزمان کی موجودگی کی اطلاع پر پولیس نے چارسدہ روڈ پر سبزی منڈی کے قریب کارروائی کی، تو ملزموں نے فائرنگ کردی، فائرنگ کے تبادلے سے 2 ملزمان ہلاک ہوگئے۔
پولیس نے بتایا کے دونوں ملزمان سنگین جرائم میں ملوث صوابی، نوشہرہ اور مردان پولیس کومطلوب تھے،ملزمان کے قبضہ سے موبائل فونز، 2 عدد چاقو اور 2 عدد پستول بمعہ کارتوس برآمد کرلیے گئے۔
دوسری جانے مرنے والے دونوں ملزموں کی لاشوں کو پولیس نے تحویل میں لیکر پوسٹ مارٹم کےلیے مقامی ہسپتال منتقل کردیا۔
