بہاولنگر: (دنیا نیوز) پنجاب کے شہر بہاولنگر میں خاتون کو زندہ جلانے کا دلخراش واقعہ سامنے آیا ہے۔
پولیس کے مطابق ہولناک واقعہ چک قاسمکا کے قریب گھریلو جھگڑے پر پیش آیا جہاں مبینہ طور پر شوہر پر ساتھیوں کے ہمراہ بیوی کو زندہ جلانے کا الزام ہے۔
پولیس نے مقتولہ کی جلی ہوئی لاش کے باقیات اپنی تحویل میں لے لیے اور مقتولہ کے بیٹے کی مدعیت میں واقعہ کی 5 ملزمان کے خلاف فوری ایف آئی آر درج کرلی۔
ایف آئی آر کے متن کے مطابق ملزم اشرف نے مقتولہ بیوہ کنیز سے دوسری شادی کر رکھی تھی، ملزم بیوی کو گھر سے بلا کر جھونپڑی میں لے گیا اور ساتھیوں سمیت آگ لگا دی۔
پولیس کا مزید کہنا تھا کہ مقدمے میں نامزد چار ملزمان گرفتار کرلیے گئے جب کہ ایک کی تلاش جاری ہے، گرفتار ملزموں سے مختلف زاویوں سے تفتیش کی جارہی ہے۔
