کراچی: (دنیا نیوز) اینٹی نارکوٹکس فورس (اے این ایف) نے 7 کارروائیوں کے دوران 175.53 کلوگرام منشیات برآمد کر کے 9 ملزمان گرفتار کر لئے۔
ترجمان اے این ایف کے مطابق کارروائیاں گلگت، کراچی، ساہیانوالہ، اسلام آباد اور جہلم میں کی گئیں۔
حکام کا کہنا ہے کہ کارروائی کے دوران 93 کلو 250 گرام چرس، 60 کلو گرام افیون، 22 کلو 140 گرام آئس اور 140 گرام کوکین برآمد کی گئی، گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے۔
ترجمان کے مطابق ملزمان کے خلاف انسداد منشیات ایکٹ 1997 کے تحت مقدمات درج کر لئے گئے۔
