لاہور: (ویب ڈیسک) بھارتی میڈیا کے مطابق نو بیاہتا جوڑے نے شادی کے بعد اپنی تصویر سوشل میڈیا پر جاری کی ہے جس میں تیج پرتاپ اور ان کی اہلیہ ایشوریہ رائے سائیکل پر سوار ایک دوسرے کو دیکھتے نظر آرہے ہیں۔
یہ تصویر تیج پرتاپ کی سرکاری رہائش گاہ کی سڑک پر لی گئی ہے۔ انسٹاگرام پر اس تصویر کو انتہائی خوبصورت اور بالی وڈ فلموں کی طرح رومانٹک قرار دیا جارہا ہے۔
بھارتی ریاست بہار کے سابق وزیر اعلیٰ اور راشٹریہ جنتا دل(آر جے ڈی) کے صدر لالو پرساد یادو اور رابڑی دیوی کے بڑے بیٹے تیج پرتاپ کی اپنی دلہنیا ایشوریہ رائےکے ساتھ یہ تصویر ان کی شادی کے بعد پہلی انسٹاگرام پوسٹ میں سامنے آئی۔ جو تیزی سے وائرل ہو رہی ہے۔
