اسلام آباد: (روزنامہ دنیا) پاکستان ڈرامہ و فلم انڈسٹری کی نامور اداکارہ ماہرہ خان نئی فلم ’’سپر سٹار‘‘ میں اداکار بلال اشرف کے ساتھ جلوہ گر ہوں گی۔ دونوں اداکار اپنی بہترین فنکارانہ صلاحیتوں کے اظہار کیلئے خوب محنت کر رہے ہیں.
ذرائع ابلاغ کے مطابق مومنہ درید کی پروڈکشن اور محمد احتشام الدین کی ہدایت کاری میں بننے والی فلم ‘‘سپر سٹار’’ میں ماہرہ خان اور بلال اشرف اہم کردار ادا کریں گے جس کی عکسبندی شروع کر دی گئی ہے۔
نوری اور سمیر @IamBilalAshraf pic.twitter.com/jOeIL7EsVF
— Mahira Khan (@TheMahiraKhan) March 22, 2019
ماہرہ خان نے سماجی رابطے کی ویب سائٹ ٹوئٹر پر ایک تصویر شیئر کی جس میں وہ ایک منفرد انداز میں بلال اشرف کے ساتھ موجود ہیں۔ ماہرہ نے اپنے ٹوئٹ میں یہ بھی بتایا کہ وہ فلم ‘‘سپر سٹار’’ میں نوری اور بلال اشرف ‘‘سمیر’’ کا کردار ادا کر رہے ہیں۔
