لاہور: (دنیا نیوز) اداکار محسن عباس کی اہلیہ نے الزام لگایا ہے کہ اس کے شوہر نے ان پر کئی بار تشدد کیا، فاطمہ سہیل نے زخموں والی تصاویر بھی سوشل میڈیا پر شیئر کر دیں۔
اداکار اور میزبان محسن عباس کی اہلیہ فاطمہ سہیل نے فیس بُک پر ایک پوسٹ شیئر کی ہے جس میں انہوں نے الزام لگایا ہے کہ محسن عباس کے ایک ماڈل گرل کے ساتھ ناجائز تعلقات ہیں۔ پچھلے سال 26 نومبر کو اپنے شوہر کو رنگے ہاتھوں پکڑا تو شرمندہ ہونے کے بجائے انہوں نے مجھے بالوں سے پکڑ کر گھسیٹا، لاتیں ماریں اور چہرے پر مُکے بھی مارے، اس وقت وہ حاملہ تھیں۔
He pulled me from hair, dragged me on floor, kicked me several times, punched me on face & threw me on the wall.I was brutally beaten by my husband. My caretaker!Traumatized me contacted a friend instead of family & was rushed to hospital. statuses to get public attention. 2/3 pic.twitter.com/MfsksYLHxY
— Fatema Sohail (@SohailFatema) July 20, 2019
فاطمہ نے پوسٹ پر مزید کہا کہ 17 جولائی کو محسن عباس کے گھر جا کر بچے کی ذمہ داری اٹھانے کا کہا تو انہوں نے پھر مار پیٹ کی۔ 20 جولائی کو تھانے میں رپورٹ درج کرائی لیکن پولیس نے ایف آئی آر میں معاملے کو گھریلو تشدد یا بدسلوکی کے بجائے محض میاں بیوی کا جھگڑا لکھا۔ ان کا کہنا ہے، اب محسن سے عدالت میں ہی ملاقات ہوگی۔
دوسری جانب محسن عباس نے اہلیہ پر تشدد کے واقعہ کی تردید کرتے ہوئےکہا ہے کہ یہ سب کچھ میرا کیرئیر ختم کرنے کے لئے کیا گیا، الزامات میں کوئی صداقت نہیں ہے۔
لاہور پریس کلب میں میڈیا سے گفتگو میں محسن عباس کا کہنا تھا کہ قرآن پاک ساتھ لایا ہوں، پاک کلام پر حلفاً کہتا ہوں کہ اپنی اہلیہ پر کبھی تشدد نہیں کیا۔ 4 سال قبل فاطمہ سے شادی ہوئی لیکن چند روز بعد ہی تصاویر اور میسجز کی صورت میں اہلیہ کے راز افشا ہوئے۔
محسن عباس نے الزام عائد کیا کہ ان کے سسرال والوں نے ان کی بیٹی کی پیدائش سے قبل ہی بتایا کہ بیٹی میری نہیں ہے۔ اہلیہ کی جانب سے مکان اس کے نام کروانے پر دباؤ ڈالا جاتا رہا، انکار کی صورت میں مجھے سنگین نتائج کی دھمکیاں دی گئیں۔
