لاس اینجلس: (روزنامہ دنیا) ہالی وڈ اداکارہ جینا ڈیوس کا کہنا ہے کہ ہالی وڈ فلم انڈسٹری زیادہ تر ایسی فلمیں بنا رہی ہے جن کا حقیقی زندگی سے کوئی تعلق نہیں ہے۔
میڈیا رپورٹ کے مطابق اداکارہ جینا ڈیوس کا کہنا تھا کہ ہالی وڈ فلم انڈسٹری میں زیادہ تر فلمیں ایسی ہیں جن کا اصل زندگی سے کوئی تعلق نہیں ہے۔ انہوں نے کہا کہ ایسے موضوعات کو سامنے لانا چاہیے جن سے شائقین کچھ سیکھیں کیونکہ میرے خیال میں کہیں نہ کہیں اس کا اثر اصل زندگی میں بھی پڑتا ہے۔
جینا ڈیوس نے مزید کہا کہ حقیقی زندگی سے متعلق موضوعات پر بننے والی فلموں سے لوگوں کی جذباتی وابستگی ہوتی ہے اور فلم کی کامیابی یقینی ہو جاتی ہے۔
