نئی دہلی: (ویب ڈیسک) بھارت کے دارالحکومت نئی دہلی میں متنازع شہریت قانون کے خلاف پر تشدد احتجاج جاری ہے، ان احتجاج کے دوران مسلمانوں پر بدترین تشدد کیا جارہا ہے جبکہ درگاہ اور مسجد پر بھی حملے کیے ہیں، یہ سب کچھ ایسے وقت ہوا جب امریکی صدر ڈونلڈ ٹرمپ بھارت میں موجود تھے۔
واضح رہے کہ مظاہروں کے دوران 24 سے 26 فروری کی دوپہر تک ہونے والی کشیدگی میں کم سے کم انٹیلی جنس افسر سمیت 23 افراد ہلاک جبکہ 200 سے زائد زخمی ہوگئے ہیں۔ مظاہروں نے مذہبی فسادات کی صورت اختیار کرلی اور ہندو دہشتگردوں کی طرف سے مسلمانوں پر جان لیوا حملے کیے جا رہے ہیں۔
نئی دہلی میں ہونے والے فسادات پر جہاں پاکستانی سیاستدانوں نے مذمت کا اظہار کیا وہیں دیگر ممالک کے اعلیٰ حکام اور امریکی سیاستدانوں نے بھی اظہار افسوس کرتے ہوئے مودی سرکار سے مطالبہ کیا کہ جلد سے جلد دارالحکومت میں امن بحال کیا جائے۔
عالمی سیاستدانوں کی طرح بھارت کی شوبز و میڈیا انڈسٹری کی شخصیات کی جانب سے بھی نئی دہلی میں ہونے والے فسادات کی آڑ میں مسلمانوں کے قتل عام پر اظہار افسوس کرتے ہوئے حکومت سے جلد سے جلد امن بحال کرنے کا مطالبہ کیا۔
In the national capital, on a day when Trump lauded Narendra Modi s commitment to a unified and secular India pic.twitter.com/RXtelHzXkX
— Rana Ayyub (@RanaAyyub) February 24, 2020
فلم ساز مہیش بھٹ نے نئی دہلی میں ہجوم کی جانب سے ایک شخص پر بیہمانہ تشدد کی تصویر شیئر کرتے ہوئے لکھا کہ انہیں لگتا ہے کہ ہم اندھے نہیں ہونے جا رہے بلکہ ہم اندھے ہیں، ایسے اندھے ہیں جو سب کچھ دیکھ سکتے ہیں، ہم ایسے اندھے ہیں جو دیکھ تو سکتے ہیں مگر انہیں کچھ دکھائی نہیں دیتا ۔
You got blood on your hands...you know who you are. As a true Hindu, I believe in karma. And it won’t wait till your next birth, it will manifest soon...as disease, penury, pain...you’d have earned this, like you’re earning extra money right now,celebrating the murder of others.
— TheRichaChadha (@RichaChadha) February 26, 2020
اداکارہ ریچا چڈا نے نئی دہلی میں مذہبی فسادات پر لکھتے ہوئے لکھا کہ ایک سچے ہندو ہونے کے ناطے انہیں دوسرے جنم پر یقین ہے اور انہیں یہ بھی یقین ہے کہ جلد ہی مظالم ڈھانے والوں پر عذابن اور بیماریوں کی صورت میں قہر نازل ہوگا اور ان کے ہاتھوں میں اپنا ہی خون ہے۔
the level of violence is being increased in Delhi . All the Kapil Mishras are being unleashed . An atmosphere is being created to convince an average Delhiite that it is all because of the anti CAA protest and in a few days the Delhi Police will go for “ the final solution “
— Javed Akhtar (@Javedakhtarjadu) February 25, 2020
فلمساز، شاعر اور لکھاری جاید اختر نے بھی نئی دہلی میں مسلمانوں کے قتل پر افسوس کا اظہار کرتے ہوئے لکھا کہ منصوبہ بندی کے تحت دہلی میں فسادات کو آگے بڑھایا جا رہا ہے اور سب لوگ تنگ نظر سیاستدان کپل مشرا جیسے بن رہے ہیں، یہ فضا تیار کرنے کی کوشش کی جا رہی ہے کہ دہلی میں تشدد متنازع شہریت قانون کے خلاف ہونے والے مظاہروں کی وجہ سے ہوا اور پولیس جلد اس پر قابو پا لے گی۔
Overworked and one dead too. Folks . If we could be kind enough also to offer some condolences to the bereaved. They don’t have cushy lives and are stuck in a thankless job. Constantly under pressure. A few bad apples can spoil the cart. https://t.co/zmy8TBHOcK
— Raveena Tandon (@TandonRaveena) February 24, 2020
ماضی کی خوبرو اداکارہ روینہ ٹنڈن نے بھی فسادات پر سماجی رابطے کی ویب سائٹ ٹویٹر پر ٹویٹ کیا اور تشدد کو کچھ شرپسند عناصر کی مرضی قرار دیا اور ساتھ ہی لکھا کہ اگر ہم میں تھوڑی سی بھی ہمدردی ہے تو ہم فسادات میں مرنے والے افراد کے لیے تعزیت کا اظہار کر سکتے ہیں کیوں کہ وہ لوگ کافی عرصے سے انتہائی دباؤ میں ہیں۔
No protester wants riots. No rioter wants protests.
— Hansal Mehta (@mehtahansal) February 24, 2020
فلمساز ہنسل مہتا نے مختصر مگر انتہائی معنی خیز ٹوئٹ کی کہ کوئی بھی احتجاج کرنے والا شخص فساد نہیں چاہتا اور کوئی بھی فسادی احتجاج نہیں کرتا۔
This is an urgent appeal! #AamAadmiParty #AamAadmiParty DO MORE than tweet !!!!
— Swara Bhasker (@ReallySwara) February 24, 2020
اداکارہ سوارا بھاسکر نے بھی نئی دہلی میں ہونے والے فسادات پر ٹوئٹ کرتے ہوئے دہلی میں حال میں حکومت بنانے والی عام آدمی پارٹی سے وہاں امن کرانے کا مطالبہ کیا۔
