لاہور: (ویب ڈیسک) پاکستان کی تمغہ امتیاز حاصل کرنے والی اداکارہ مہوش حیات نے سماجی رابطے کی ویب سائٹ پر پہلی نعت رسول مقبول ﷺ شیئر کردی۔
اداکارہ نے نعت کی ویڈیو سماجی رابطے اور فوٹو ویڈیو شیئرنگ ویب سائٹ انسٹاگرام سمیت ٹویٹر پر شیئر کی۔
مہوش حیات نے نعت کو ’کرم میرے آقا ﷺ‘ کا عنوان دیا اور خود ہی اس کو پڑھنے کی سعادت حاصل کی۔
انہوں نے لکھا کہ یہ نعت رسول مقبول ﷺ لوگوں کے دلوں کو بالکل اُسی طرح متاثر کرے گی جیسے اس نے میرے دل کو چھوا ہے۔
مہوش حیات کا کہنا تھا کہ نعت رسولِ مقبول ﷺ کے بول محمد علی ظہوری نے تحریر کیے جبکہ میاں یوسف صلاح الدین سے اسے کمپوز کیا۔
ویڈیو سے متعلق مہوش حیات کا مزید کہنا تھا کہ اشفین حیات اور شاہ فہام نے ہدایت کاری کے امور انجام دیے۔
I feel blessed that this Ramzan I am able to share a piece of my heart with you. This naat-e-Rasool-e-Maqbool (S.A.W) is very special to me.I hope it touches you in the same way it touched me.
— Mehwish Hayat TI (@MehwishHayat) May 13, 2020
“Karam mere Aaqa”
Composed & Prod by Mian Yousuf Salahuddin.
Lyrics by M. Ali Zahoor pic.twitter.com/IZErIGvYtJ
یاد رہے کہ مہوش حیات نے گزشتہ برس اپنی والدہ اور بھائی کے ہمراہ عمرے کی سعادت حاصل کی تھی، انہوں نے روضہ رسول ﷺ پر حاضری بھی دی تھی جس کی تصاویر سماجی رابطے کی ویب سائٹ پر شیئر کی تھیں۔
