تازہ ترین
  • بریکنگ :- کراچی:اورنگی ٹاؤن میں فائرنگ سےزخمی پولیس اہلکاردم توڑگیا،پولیس
  • بریکنگ :- کراچی:پولیس اہلکاراپنےبھائی کی شادی میں فائرنگ کررہاتھا،پولیس
  • بریکنگ :- تحقیقات جاری ہیں اہلکارہارون کس کی فائرنگ سےجاں بحق ہوا،پولیس

نواسے کے سامنے نانا شہید، اداکارہ مہوش حیات عالمی دنیا کی خاموشی پر بھڑک اُٹھیں

Last Updated On 02 July,2020 05:59 pm

لاہور: (ویب ڈیسک) قابض بھارتی فوج کی طرف سے مقبوضہ کشمیر میں نواسے کے سامنے نانا کو شہید ہونے کے واقعے کے بعد پاکستانی اداکارہ مہوش حیات نے خاموش تماشائی بنی دنیا کو جھنجھوڑتے ہوئے کہا ہے کہ ہم کب تک اس ظلم پر خاموش رہیں گے۔

واضح رہے کہ مقبوضہ کشمیر میں ایک اور انتہائی افسوسناک واقعہ پیش آیا جب ظالم اور قابض بھارتی فوج نے نام نہاد آپریشن کے دوران ایک 60 سالہ شخص کو گولیاں مار کر شہید کردیا اور شہید ہونے والے شخص کا 3 سالہ نواسہ نانا کی لاش پر بیٹھ کر روتا رہا لیکن اسے دلاسہ دینے والا کوئی نہیں تھا۔

نانا کی لاش پر بیٹھ کر روتے ہوئے بے بس 3 سالہ بچے کی تصویر سوشل میڈیا پر جنگل کی آگ کی طرح پھیل گئی اور ٹوئٹر پر ایک بار پھر کشمیرکی آزادی ہیش ٹیگ ٹرینڈ کرنے لگا۔

اس افسوسناک واقعے پر اداکارہ مہوش حیات بھی چپ نہ رہ سکیں اور مقبوضہ کشمیر میں بھارتی فوج کے ظلم اور بربریت پر دنیا کی خاموشی پر بھڑک اٹھیں۔

یہ بھی پڑھیں: حلیمہ سلطان مقبوضہ کشمیر میں نانا کی لاش پر بیٹھے نواسے کی تصویر دیکھ کر رنجیدہ

سماجی رابطے کی ویب سائٹ ٹویٹر پر اپنے بیان میں اداکارہ کا کہنا تھا کہ دنیا کس طرح خاموشی سے کھڑی رہ سکتی ہے اور بھارتی فوج کو اس طرح ظلم کرنے کی اجازت دے سکتی ہے۔ ہم کب تک اس ظلم پر آنکھیں موندے رہیں گےاس ظلم کو روکنا ہوگا۔ کشمیری زندگیاں بھی اہم ہیں۔