نئی دہلی: (ویب ڈیسک) بالی ووڈ کے سابق اداکار سوشانت راجپوت کے ساتھ فلم ’دھونی‘ میں کام کرنے والے فن کار نے بھی زندگی کا خاتمہ کرلیا۔
بھارتی میڈیا کے مطابق سوشانت سنگھ راجپوت کی فلم ’دھونی‘ اور اکشے کمار کے ساتھ ’کیسری‘ میں کردار نبھانے والے اداکار سندیپ ناہر نے فیس بک پر ویڈیو اور سوسائڈ نوٹ شیئر کیا۔ ویڈیو اور خط میں سندیپ نے خود کشی کی وجوہات بیان کرتے ہوئے بتایا کہ وہ نجی اور پیشہ ورانہ مسائل سے دوچار ہیں۔
خط میں سندیپ نے لکھا ہے کہ اب جینے کی خواہش نہیں ہے۔ زندگی میں کافی سکھ دکھ دیکھے، ہر مسئلے کا سامنا کیا لیکن آج میں جس صدمے سے گزر رہا ہوں وہ برداشت سے باہر ہے۔ میں جانتا ہوں کہ خودکُشی کرنا بزدلی ہے، مجھے بھی جینا تھا لیکن ایسے جینے کا بھی کیا فائدہ جہاں سکون اور عزت نفس ہی نہ ہو۔
Actor Sandeep Nahar dies allegedly by suicide at his residence in Mumbai s Goregaon area. Case lodged, matter being probed: Mumbai Police
— ANI (@ANI) February 15, 2021
سندیپ نے مزید لکھا کہ میری بیوی کنچن شرما اور اس کی ماں ونو شرما نے مجھے نہ سمجھا اور نہ سمجھنے کی کوشش کی۔ میری بیوی تیز مزاج ہے ، میری اور اس کی شخصیت الگ الگ ہیں اور ہمارا کوئی جوڑ نہیں۔ روز روز اور صبح و شام کا جھگڑا سہنے کی مجھ میں طاقت نہیں ہے۔
اپنے آخری خط میں سندیپ نے مزید لکھا ہے کہ اس کی خود کشی کے لیے اس کی بیوی کی اس میں کوئی غلطی نہیں، اس کی فطرت ہی ایسی ہے۔ میں یہ بہت پہلے خودکُشی کرلیت لیکن میں نے اپنے آپ کو ٹائم دیا لیکن روز ایک ہی طرح کے جھگڑوں سے میں ایسے چکر میں پھنس چکا ہوں جس سے نکلنے کے لیے اس کے سوا کوئی راستہ نہیں۔
اپنے تفصیلی نوٹ کے آخر میں سندیپ نے لکھا ہے کہ میری زندگی جہنم بن چکی ہے شاید مرنے کے بعد سکون مل جائے۔ مجھے نہیں معلوم بعد کی زندگی کیسی ہوگی لیکن جیسی بھی ہوئی اس کا سامنا میں کرلوں گا۔ میری صرف ایک درخواست ہے کہ میرے جانے کے بعد (بیوی) کنچن کو کچھ مت بولنا بس اس کے دماغ کا علاج ضرور کروا دینا۔
